Liebi Gäst

 

Mir möchtet eui drüber informiere, dass mir grad en schwirigi Ziit z’meistere händ.

Es isch euis sehr wichtig, dass ihr bscheid wüssed und s’eint oder ander Mal ächli Geduld und Verständnis mitbringed.

 

Euise Chuchichef hät am 18. August en Unfall gha und fallt deswäge für 3 Mönet us. Er staht euis aber mit sim Fachwüsse telefonisch fasch rund um d’Uhr zur verfüägig. Zudem händ mir euis vo euisem Hilfschoch müsse verabschiede, will ihm de Druck und die gsundheitlichi Belastig z gross worde sind.

 

Dank tatchräftiger Unterstützig vo Fründe und Fründe wo öpert känned wo öper känned, schaffed mirs über d’Rundi.

Mir gänd euises beste witerhin chöne offä z’ha und euisä Standart und Qualität ufrächt z’erhaltä.

 

Wenn ihr euis wänd unterstütze sind mir sehr froh, wänn Ihr euien Tisch düend reserviere.

Es machts euis eifacher zum planä oder mir chönd allefalls na öpis schiebe dass ihr ned z’lang uf euies Ässe müänd wartä.

Mir freued euis uf euie Bsuech.

 

Herzlichst Muriel Meister & Team