Mir sind es jungs, ambitionierts Team, mit vill Liebi zum Detail.
…und Sie sind euisi Motivation, das jede Tag unter Bewiis z’stelle!
Team Rütihof
Muriel Meister
Gastgeberin
Enrico Möller
Chuchichef
Antonija Lubina
Servicefrolein
Markus Lauterbach
Choch
Claudia Klennert-Märki
Servicefachfrolein
Ljubica Lubina
Chuchimäitli
Über mich
Für mich isch mit em Restaurant Rütihof en lang ghegtä Traum in Erfüllig gange.
Vor minere Karriere i de Gastronomie, han ich en Lehr als Konditor-Confiseurin gmacht.
D’Liebe zum Detail het mich scho damals fasziniert.
Nach minere Usbildig und 3 Jähriger Bruefserfahrig han ich es Studium im soziale Bereich agfange. Um min Läbensunterhalt z’bestritä han ich als Teilziitmitarbeiterin mini erste Schritt i de Gastronomie gwagt. Schnell isch mir klar worde, dass ich min Platz gfunde han.
Au nach 13 Jahr im Gastgwerb stahn ich immer na mit Liib und Seel für min Bruef.
Mit mim Rucksack voller Erfahrigä, Wüssä und Lehrblätz freu ich mich druf, mini Ambitione, Wünsch und Träum in Rütihof dörfe z’verwürklichä.
Restaurant
Im 🖤 vo Rütihof besticht euises Restaurant mit Scharm und Eleganz.
Vo de Architektur bis hii zum Ässe stönd mir für än Moderni Interpretation vo Tradition.
Dä Aspruch euisne Gäst das z büütä was für euis sälber essenziell isch, hät obersti Priorität.
Euisi Produkt beziehnd mir vo regionale Gmüäsbuure und Metzger und leged euises Augemerk uf artgerächti & liebevolli Tierhaltig.
Mir kombinieret Fachwüssä mit Liidäschaft und schaffed so en Plattform für wunderschöni Stunde.
